Քայլ 1 Ակտիվացրեք հավաքածուն առցանց

ՄԻ՛ շրջանցեք այս քայլը: Դուք չեք կարող ստանալ Ձեր արդյունքները, քանի դեռ չեք ակտիվացնել Ձեր թեստերը:

Գնացեք https://www.ancestry.co.uk/dna/activate

Չունե՞ք Ancestry-ի օգտատիրոջ հաշիվ: Այն բացելը հեշտ է և անվճար. մենք կօգնենք Ձեզ այն կարգավորել:


Մուտքագրեք 15-նիշանոց ակտիվացման կոդը նմուշը վերցնելու փորձասրվակից

Այս կոդը Ձեր նմուշը Ձեզ հետ է կապում: Սա միակ տարբերակն է, որով մենք կարող ենք նույնականացնել Ձեր նմուշը: Առանց դրա` Դուք չեք կարող ստանալ Ձեր արդյունքները:

Ձեր գրառումների համար, հատկապես եթե միանգամից մի քանի թեստ եք հանձնում, գրի առեք մասնակցի անուն-ազգանունը և ակտիվացման կոդը նմուշը վերցնելու փորձասրվակից:

Քայլ 2 Հավաքեք ԴՆԹ-ն

ՄԻ՛ կերեք, ՄԻ՛ խմեք, ՄԻ՛ ծխեք կամ մաստակ ՄԻ՛ ծամեք Ձեր թքի նմուշը վերցնելուց 30 րոպե առաջ:

Թուքը լցրեք փորձասրվակի մեջ մինչև սև ալիքաձև գիծը:

Փորձասրվակը լցրեք այնքան ժամանակ, մինչև Ձեր թուքը (պղպջակները հանած) լինի ալիքաձև գծի վրա կամ դրանից մի քիչ վերև: Դա հեշտ է՝ ¼ թեյի գդալից պակաս է: Նախատեսվածից շատ մի լցրեք։


Ձագարը փոխարինեք կափարիչով:

Ձագարը փորձասրվակից հեռացրեք: Կցված կափարիչը մինչև վերջ պտտեք, որպեսզի դուրս գա այն լուծույթը, որը կկայունացնի Ձեր թքում առկա ԴՆԹ-ն:


Ձգեք կայունացնող հեղուկը բաց թողնելու համար:

Դուք կհասկանաք, որ այն աշխատում է, երբ կապույտ լուծույթը կափարիչից հոսի փորձասրվակի մեջ:

Զգուշացում. Կուլ մի՛ տվեք փորձասրվակի կափարիչում առկա կայունացնող լուծույթը: Եթե լուծույթն ընկնի Ձեր մաշկին, աչքերին կամ բերանին, լվացեք այն ջրով: ԴՆԹ հավաքածուն երեխաներից հեռու պահեք:

Փորձասրվակն առնվազն հինգ վայրկյան թափահարեք:

Սա կապահովի Ձեր նմուշի մանրակրկիտ խառնումը կայունացնող լուծույթի հետ, որպեսզի մեր լաբորատորիան կարողանա լավագույնս մշակել Ձեր նմուշը:


Փորձասրվակը տեղադրեք նմուշը վերցնելու տոպրակի մեջ:

Նմուշը դրեք Ձեր ԴՆԹ հավաքածուում տրամադրված նմուշը վերցնելու տոպրակի մեջ: Տոպրակը փակեք կպչուն ժապավենով:


Ձեր նմուշն ուղարկեք փոստով

Ձեր նմուշը տեղադրեք կանխավճարային փոստային արկղում: Տուփը փակեք կպչուն ժապավենով և փոստով ուղարկեք:

Երբ Ձեր արդյունքները պատրաստ լինեն, մենք կկապվենք Ձեզ Ancestry-ի օգտատիրոջ հաշվին կից էլ․ փոստի հասցեով: Դրանից հետո Ձեր անհատականացված արդյունքները Ձեզ հասանելի կլինեն հետևյալ հասցեով՝ Ancestry.co.uk: